პრემიუმ საცხოვრებელი კომპლექსი Dream Palace და მაქსთერმის საინჟინრო სისტემები

მაისი 4, 2026

Dream Palace – პრემიუმ კლასის მულტიფუნქციური საცხოვრებელი კომპლექსი, რომელიც 11 600 კვ.მ მიწის ფართობზე შენდება და 5 დამოუკიდებელი ბლოკისგან შედგება. პროექტი, რომელიც აერთიანებს როგორც საცხოვრებელ, ისე კომერციულ სივრცეებს, თანამედროვე ცხოვრებისა და ბუნების იდეალური თანხვედრაა. მისი ელეგანტური დიზაინი სრულ ჰარმონიაში მოდის გამწვანებულ გარემოსთან და განსაკუთრებულ, მშვიდ ესთეტიკას ქმნის.

ასეთი მასშტაბისა და კლასის პროექტში, ვიზუალურ სრულყოფილებასთან ერთად, უმთავრესია უხილავი საინჟინრო ქსელების უმაღლესი საიმედოობა. სწორედ ამიტომ, Dream Palace-ის მაცხოვრებელთა მაქსიმალური კომფორტისთვის, შიდა კომუნიკაციებისა და გათბობის სისტემების მოსაწყობად მაქსთერმის პრემიუმ ხაზის პროდუქცია შეირჩა.

პროექტში ინტეგრირებულია ევროპული ინდუსტრიის ლიდერების ტექნოლოგიები:

გათბობის ინოვაციური სისტემა: კომპლექსის ენერგოეფექტური გათბობისთვის შერჩეულია იტალიური ბრენდის, Fondital-ის თანამედროვე ქვაბები – Antea CTFS 24kw. სითბოს იდეალური დისტრიბუციისა და ინტერიერის დახვეწილი დიზაინისთვის კი ობიექტზე დამონტაჟებულია ამავე ბრენდის პრემიუმ კლასის რადიატორები: ელეგანტური ვერტიკალური მოდელი Garda S90 (180 სმ) Aleternum და კლასიკური Blitz SUPER B4 (60 სმ).

სითბო მიწოდება თბოდანაკარგის გარეშე: სისტემის ხანგრძლივ და შეუფერხებელ მუშაობაზე იტალიური ბრენდის, Valsir-ის მიერ წარმოებული Mixal-ის მილები ზრუნავს. მისი უმაღლესი ხარისხის იზოლაცია მინიმუმამდე ამცირებს სითბოს დანაკარგს და უზრუნველყოფს ენერგიის მაქსიმალურ დაზოგვას.

წყალმომარაგება: ეკოლოგიურად სუფთა და უსაფრთხო წყალმომარაგებისთვის, პროექტში გამოყენებულია ჰოლანდიური ბრენდის Wavin PPR-ის უმაღლესი ხარისხის მილები, რომლებიც სრულად აკმაყოფილებს ევროპულ სტანდარტებს.

საიმედო შიდა კომუნიკაციები: უხმაურო და გამძლე საკანალიზაციო სისტემის მოსაწყობად, დეველოპერმა არჩევანი სერბული ბრენდის – Peštan PP3-ის (პოლიპროპილენის) მილებზე შეაჩერა.

Dream Palace-ში იდეალური გარემო დეტალებით იწყება. დახვეწილი დიზაინის, გამწვანებული სივრცისა და მაქსთერმის უმაღლესი სტანდარტის ტექნოლოგიების სინთეზი მობინადრეებს უწყვეტი კომფორტისა და სიმშვიდის გარანტიას აძლევს.