დეველოპერული კომპანია გრადა უკვე 7 წელია თბილისის ერთ-ერთ ყველაზე მზარდ უბანში – დიღომში – ცხოვრების თანამედროვე სტანდარტს ამკვიდრებს. 100 000 კვ.მ-ზე მეტი ჩაბარებული ფართობი და 1 000-მდე კმაყოფილი ოჯახი იმ მაღალი პროფესიონალიზმისა და ინოვაციური მიდგომების შედეგია, რასაც კომპანია თითოეულ პროექტში აქსოვს.

გრადას პორტფოლიოში განსაკუთრებული ადგილი უჭირავს პრემიუმ კლასის საცხოვრებელ კომპლექსს „მწვანე ხეივანი“. ეს არის „ხუთვარსკვლავიანი“ გარემო, სადაც ენერგოეფექტურობა და მშვიდი ცხოვრების გარანტია უმაღლესი ხარისხის საინჟინრო კომუნიკაციებით არის გამყარებული. მოხარულები ვართ, რომ ამ მასშტაბური პროექტის ტექნიკური აღჭურვა მაქსთერმის პრემიუმ ბრენდებით განხორციელდა.

პროექტის საიმედოობისთვის შერჩეული იქნა მსოფლიო ლიდერი მწარმოებლები:

გათბობის სრული სისტემა: კომპლექსში ყველა საცხოვრებელ სახლში დამონტაჟდა იტალიური ბრენდის, Fondital-ის Minorca CTFS 24kw მოდელის ქვაბი, რომლებიც გამოირჩევა მაღალი ეფექტურობითა და ეკონომიურობით. სითბოს ოპტიმალური განაწილებისთვის გამოყენებულია ამავე ბრენდის Exclusivo-სა და Ardente-ს სერიის რადიატორები. სისტემის გამართულ მუშაობას კი უზრუნველყოფს იტალიური ბრენდის Valsir-ის მილები იზოლაციით – Mixal, რაც სითბოს დანაკარგს მინიმუმამდე ამცირებს.

წყალმომარაგება და უსაფრთხოება: სასმელი წყლის სისტემისთვის შერჩეულია Wavin PPR-ის მილები, რომლებიც აკმაყოფილებს ჰიგიენისა და გამძლეობის უმკაცრეს ევროპულ სტანდარტებს.

საკანალიზაციო სისტემა: შენობის შიდა კომუნიკაციების ხანგრძლივი ექსპლუატაციისთვის პროექტში ინტეგრირებულია სერბული ბრენდის, Peštan-ის მაღალი სიმტკიცის პოლიპროპილენის (PP3) მილები.

გრადასა და მაქსთერმის თანამშრომლობა ეფუძნება საერთო პრინციპს – ხარისხი კომპრომისების გარეშე. „მწვანე ხეივანი“ არის მაგალითი იმისა, თუ როგორ ქმნის სწორად შერჩეული საინჟინრო დეტალები გარემოს, რომელიც ათწლეულების განმავლობაში უცვლელ კომფორტს უნარჩუნებს მის მაცხოვრებლებს.