თანამედროვე არქიტექტურა მხოლოდ მიმზიდველ ფასადს არ გულისხმობს. შენობის რეალური ხარისხი, უსაფრთხოება და ღირებულება სწორედ იმ „უხილავი“ სისტემებით განისაზღვრება, რომლებიც მაცხოვრებლების ყოველდღიურ კომფორტს უზრუნველყოფს.
სწორედ ამიტომ, სამშენებლო კომპანია MODERN CITY-მ საკუთარი პროექტების საინჟინრო უზრუნველყოფისთვის სანდო პარტნიორად მაქსთერმი აირჩია. ეს თანამშრომლობა საერთო ხედვას ეფუძნება – შევქმნათ საცხოვრებელი სივრცე, სადაც კომუნიკაციები ათწლეულების განმავლობაში შეუფერხებლად და გამართულად მუშაობს.
იმისათვის, რომ MODERN CITY-ს კომპლექსი მაქსიმალურად ენერგოეფექტური და დაცული ყოფილიყო, პროექტში ინტეგრირებულია ჩვენი პორტფოლიოს წამყვანი ბრენდები, რომლებიც საკუთარი მიმართულებით გლობალური ინდუსტრიის უპირობო ლიდერები არიან:
გათბობის სისტემები : პროექტის ენერგოეფექტური გათბობის სისტემა იტალიური ბრენდის, Valsir-ის ტექნოლოგიებს ეყრდნობა. ობიექტზე გამოყენებულია Mixal-ის უმაღლესი ხარისხის მილები იზოლაციით, რომლებიც გამოირჩევა:
- სითბოს უდანაკარგო ტრანსპორტირებით: რაც მნიშვნელოვნად ზოგავს ენერგიას და უზრუნველყოფს ბინის სწრაფ, ეკონომიურ გათბობას.
- აბსოლუტური საიმედოობით: მილები გამძლეა მაღალი წნევისა და ტემპერატურის ცვალებადობის მიმართ, რაც გამორიცხავს სისტემის დაზიანების რისკებს.
შიდა წყალმომარაგება: სასმელი წყლის სისტემის აბსოლუტური უსაფრთხოებისთვის, კომპანიამ არჩევანი ინდუსტრიის ლიდერის, Wavin-ის უმაღლესი ხარისხის PPR მილებზე შეაჩერა.
- ეკოლოგიური სისუფთავე: Wavin-ის PPR მილები აკმაყოფილებს ჰიგიენის უმკაცრეს ევროპულ სტანდარტებს, არ ცვლის წყლის გემოს და სრულად უსაფრთხოა ჯანმრთელობისთვის.
- კოროზიისადმი მედეგობა: ტრადიციული მეტალის მილებისგან განსხვავებით, აღნიშნული მასალა არ იჟანგება და უზრუნველყოფს ხანგრძლივ ექსპლუატაციას.
საკანალიზაციო სისტემა: შენობის უსაფრთხოების ერთ-ერთი მთავარი გარანტი გამართული საკანალიზაციო ქსელია. ამ მიზნით, პროექტში ინტეგრირებულია სერბული ბრენდის, Peštan-ის პოლიპროპილენის (PP3) მილები, რომლებიც ხასიათდება:
- ქიმიური მდგრადობით: იდეალურად უძლებს საყოფაცხოვრებო ქიმიკატების ზემოქმედებას.
- საიმედო ჰერმეტულობით: გადაბმის უმაღლესი ხარისხი სრულად გამორიცხავს გაჟონვას და შენობას ნესტისგან საიმედოდ იცავს.
MODERN CITY-სა და მაქსთერმის პარტნიორობა ნათელი დასტურია იმისა, რომ დეველოპერი ზრუნავს არა მხოლოდ იმაზე, რაც ერთი შეხედვით ჩანს, არამედ იმაზეც, რაც კედლების მიღმაა – ხარისხზე, რომელიც დროს უძლებს.