აუდიომონიტორინგის პოლიტიკა

გაცნობებთ, რომ მომხმარებელთა მიერ განხორციელებული სატელეფონო კომუნიკაციისას, მომხმარებლის მიერ, სათანადო წესით, თანხმობის გამოხატვის შემთხვევაში, შპს მაქსთერმი (ს.ნ.:237978113) ახორციელებს აუდიომონიტორინგს, კერძოდ, იწერს მომხმარებელთა და შპს მაქსთერმის წარმომადგენელთა სატელეფონო კომუნიკაციას. შესაბამისად, იგი ამ გზით ამუშავებს
მომხმარებელთა პერსონალურ მონაცემებს.

რამდენადაც, საქართველომ დანერგა პერსონალურ მონაცემთა დაცვის კანონმდებლობა („პერსონალურ მონაცემთა დაცვის შესახებ“ საქართველოს 2023 წლის 3 ივლისის კანონი), რათა უზრუნველყოს პერსონალური მონაცემების დამუშავების პროცესში, ადამიანის უფლებებისა და თავისუფლებების დაცვა, მათ შორის, პირადი ცხოვრების ხელშეუხებლობა, ხოლო შპს მაქსთერმი
(ს.ნ.: 237978113, შემდგომში „კომპანია“) ამუშავებს პერსონალურ მონაცემებს აუდიომონიტორინგის საშუალებით, კომპანიამ მისი მომხმარებელბისთვის განსაზღვრა (შემდგომში „მომხმარებლები“ ან/და „მონაცემთა სუბიექტი“) აუდიომონიტორინგის პოლიტიკა.

მონაცემთა სუბიექტი ვალდებულია გაეცნოს წინამდებარე პოლიტიკასა და სურვილის შემთხვევაში, გასცეს თანხმობა მისი საუბრის ჩაწერაზე, კომპანიასთან სატელეფონო კომუნიკაციის განხორციელებისას, წინამდებარე პოლიტიკაში განსაზღვრული წესით (რომელიც ასევე განმარტებულია ავტომოპასუხის საშუალებითაც).

საქართველოს კანონმდებლობის შესაბამისად, წინამდებარე პოლიტიკა განსაზღვრავს პროცედურებს აუდიომონიტორინგის საშუალებით მონაცემთა სუბიექტების პერსონალური მონაცემების დამუშავებასა და შენახვასთან დაკავშირებით.

ეს უკანასკნელი მოიცავს აუდიო ჩანაწერებს და ინფორმაციას, რომელსაც კომპანია მოიპოვებს მონაცემთა სუბიექტისთვის, სატელეფონო კომუნიკაციისას, მომსახურების გაწევის პერიოდში.

შეტყობინების მიზანია, მონაცემთა სუბიექტებს მივაწოდოთ ინფორმაცია პერსონალური ინფორმაციის დამუშავებისას ჩვენი მუშაობის პრინციპებისა და მათი გამოყენების მექანიზმებთან დაკავშირებით. აქვე, გთხოვთ, გაითვალისწინოთ, რომ კომპანია იწერს მხოლოდ მომხმარებლებისგან შემოსულ ზარებს, ხოლო კომპანიიდან გამავალი ზარების აუდიო ჩაწერა არ მიმდინარეობს.

კომპანია იძლევა გარანტიას, რომ:

➢ იზრუნებს მონაცემთა სუბიექტის პერსონალური მონაცემების (მათ შორის აუდიო ჩანაწერის) კონფიდენციალურობაზე;
➢ იზრუნებს მონაცემთა სუბიექტის პერსონალური მონაცემების (მათ შორის აუდიო ჩანაწერის) უსაფრთხოებასა და დაცვაზე;
➢ არ გამოიყენებს მონაცემთა სუბიექტის პერსონალურ მონაცემებს (მათ შორის აუდიო ჩანაწერებს) არამართლზომიერად;
➢ მონაცემთა სუბიექტის ნებისმიერ დროს მიაწვდის სრულ და ამომწურავ ინფორმაციას მათი პერსონალური მონაცემების დამუშავებასთან დაკავშირებით.
1. განმარტებები

1.1. პერსონალური მონაცემი - ნებისმიერი ინფორმაცია, რომელიც უკავშირდება
იდენტიფიცირებულ ან იდენტიფიცირებად ფიზიკურ პირს. პირი იდენტიფიცირებადია, როდესაც შესაძლებელია მისი იდენტიფიცირება პირდაპირ ან არაპირდაპირ, კერძოდ, საიდენტიფიკაციო ნომრით ან პირის მახასიათებელი ფიზიკური, ფიზიოლოგიური, ფსიქოლოგიური, ეკონომიკური, კულტურული ან სოციალური ნიშნებით;

1.2. მონაცემთა სუბიექტი − ნებისმიერი ფიზიკური პირი, რომლის შესახებ მონაცემიც მუშავდება;
1.3. პერსონალურ მონაცემთა დამუშავება - მონაცემთა მიმართ შესრულებული ნებისმიერი მოქმედება, მათ შორის, მათი შეგროვება, მოპოვება, მათზე წვდომა, ორგანიზება, დაჯგუფება, ურთიერთდაკავშირება, შენახვა, შეცვლა, აღდგენა, გამოთხოვა, გამოყენება, დაბლოკვა, წაშლა ან განადგურება, აგრეთვე მონაცემთა გამჟღავნება მათი გადაცემით, გასაჯაროებით, გავრცელებით ან სხვაგვარად ხელმისაწვდომად გახდომით;
1.4. აუდიომონიტორინგი - საჯარო ან კერძო სივრცეში განთავსებული/ ამონტაჟებული ტექნიკური საშუალებების გამოყენებით ხმოვანი სიგნალის მონაცემთა დამუშავება, კერძოდ, აუდიოკონტროლი ან/და აუდიოჩაწერა (გარდა ფარული საგამოძიებო მოქმედებისა);
1.5. მონაცემთა სუბიექტის თანხმობა − მონაცემთა სუბიექტის მიერ შესაბამისი ინფორმაციის მიღების შემდეგ მის შესახებ მონაცემთა განსაზღვრული მიზნით დამუშავებაზე გამოხატული ნებაყოფლობითი თანხმობა, რომელსაც მონაცემთა სუბიექტმა ხელი მოაწერა ან სხვაგვარად გამოხატა (წინამდებარე პოლიტიკის შემთხვევაში, ქვემოთ განმარტებული წესის შესაბამისად);
1.6. მონაცემთა დამუშავებაზე პასუხისმგებელი პირი - ფიზიკური პირი, იურიდიული პირი ან საჯარო დაწესებულება, რომელიც ინდივიდუალურად ან სხვებთან ერთად განსაზღვრავს მონაცემთა დამუშავების მიზნებსა და საშუალებებს, უშუალოდ ან დამუშავებაზე უფლებამოსილი პირის მეშვეობით ახორციელებს მონაცემთა დამუშავებას. წინამდებარე პოლიტიკის მიზნებისთვის კომპანიის IT დეპარტამენტი.
2. პერსონალური მონაცემები, რომელსაც აუდიომონიტორინგის საშუალებით დაამუშავებს კომპანია მომხმარებელთა სატელეფონო კომუნიკაციის და აუდიომონიტორინგისას, ასევე, წინამდებარე პოლიტიკის ფარგლებში, კომპანიამ შესაძლოა დაამუშაოს მონაცემთა სუბიექტის შემდგომი პერსონალური მონაცემები:
➢ მონაცემთა სუბიექტის სახელი და გვარი, ტელეფონის ნომერი
➢ მონაცემთა სუბიექტის პირადი ნომერი და ელექტრონული ფოსტა (საჭიროების შემთხვევაში);
➢ მონაცემთა სუბიექტის მისამართი (საჭიროების შემთხვევაში). კომპანია მონაცემებს მიიღებს უშუალოდ მონაცემთა სუბიექტებისგან.
3. პერსონალურ მონაცემთა დამუშავების მიზანი და საფუძველი აუდომონიტორინგის გზით მონაცემთა დამუშავების მიზანია კომპანიის მომსახურების გაუმჯობესება, მომხმარებლის მიერ მოწოდებული ინფორმაციის დაზუსტება/გადამოწმება და მომხმარებელთა ინტერესების დაცვა (მაგალითად, შესაძლოა კომპანიაში მომხმარებლების ზარები შემოვიდეს კომპანიის პროდუქციასთან დაკავშირებით, მომხმარებლებმა შესაძლოა შეატყობინონ კომპანიას პროდუქციის ქარხნულ წუნზე სატელეფონო კომუნიკაციის საშუალებით, აუდიო ჩაწერა კი უზრუნველყოფს ინფორმაციის დაზუსტებასა და გამორიცხავს დეზინფორმაციასა და მისკომუნიკაციას მხარეთა შორის).

რაც შეეხება სატელეფონო კომუნიკაციისას მიღებულ სხვა მონაცემებს, აღნიშნული საჭიროა მომხმარებლის პრობლემის აღმოსაფხვრელად (მაგალითად, იმ შემთხვევაში თუ პროდუქციას აღმოაჩნდება წუნი, უნდა დადგინდეს მომხმარებლის საიდენტიფიკაციო მონაცემები და მისამართი, რათა კომპანიამ გამოასწოროს ნებისმიერი სახის პრობლემა). ასევე, მონაცემები დამუშავდება
მომხმარებელთათვის სრულყოფილი ინფორმაციის მიწოდების მიზნით.
კომპანია აუდიომონიტორინგის გზით პერსონალურ მონაცემებს ამუშავებს მომხმარებელთა თანხმობის შემთხვევაში, პერსონალურ მონაცემთა დამუშავების შესახებ საქართველოს კანონის მე-5 მუხლის 1-ელი ნაწილის „ა“ ქვეპუნქტის (მონაცემთა სუბიექტმა განაცხადა თანხმობა მის შესახებ მონაცემთა ერთი ან რამდენიმე კონკრეტული მიზნით დამუშავებაზე) და მე-11 მუხლის 1-ელი
ნაწილის „ა“ ქვეპუნქტის შესაბამისად (აუდიომონიტორინგის განხორციელება დასაშვებია მონაცემთა სუბიექტის თანხმობით).

4. მონაცემთა სუბიექტის უფლებები
პერსონალურ მონაცემთა დაცვის შესახებ საქართველოს კანონის თანახმად, მონაცემთა სუბიექტს უფლება აქვს, მოსთხოვოს ინფორმაცია კომპანიას მისი მონაცემების დამუშავების თაობაზე. მონაცემთა სუბიექტს უფლება აქვს მიიღოს შემდეგი ინფორმაცია:
➢ მის შესახებ იმ მონაცემის თაობაზე, რომელიც მუშავდება, აგრეთვე ამ მონაცემის დამუშავების საფუძვლისა და მიზნის შესახებ;
➢ მონაცემთა შეგროვების/მოპოვების წყაროს შესახებ;
➢ მონაცემთა შენახვის ვადის (დროის) შესახებ ან/და ვადის განსაზღვრის კრიტერიუმების თაობაზე;
➢ პერსონალურ მონაცემთა დაცვის კანონით განსაზღვრული მონაცემთა სუბიექტის უფლებების შესახებ;
➢ მონაცემთა გადაცემის სამართლებრივი საფუძვლისა და მიზნების, აგრეთვე მონაცემთა დაცვის სათანადო გარანტიების შესახებ, თუ მონაცემები გადაეცემა სხვა სახელმწიფოს ან საერთაშორისო ორგანიზაციას;
➢ მონაცემთა მიმღების ვინაობის ან მონაცემთა მიმღებების კატეგორიების შესახებ, მათ შორის, ინფორმაცია მონაცემთა გადაცემის საფუძვლისა და მიზნის თაობაზე, თუ მონაცემები მესამე პირს გადაეცემა;
➢ ავტომატიზებული დამუშავების, მათ შორის, პროფაილინგის შედეგად მიღებული
გადაწყვეტილების და იმ ლოგიკის შესახებ, რომელიც გამოიყენება ამგვარი გადაწყვეტილების მისაღებად, აგრეთვე მონაცემთა დამუშავებაზე მისი გავლენისა და დამუშავების მოსალოდნელი/სავარაუდო შედეგის თაობაზე. გარდა ზემოთ აღნიშნულისა, მონაცემთა სუბიექტს ასევე უფლება აქვს:
➢ დამუშავებისთვის პასუხისმგებელ პირთან გაეცნოს მის შესახებ არსებულ პერსონალურ მონაცემებს, მოითხოვოს მათი ასლები, ასევე მის შესახებ მცდარი, არაზუსტი ან/და არასრული მონაცემების გასწორება, განახლება ან/და შევსება, მონაცემთა დამუშავების შეწყვეტა, წაშლა ან/და განადგურება, მონაცემთა დაბლოკვა (დამუშავების დროებით შეჩერება). შესაძლოა პერსონალური მონაცემების დამუშავებაზე პასუხისმგებელმა პირმა, მონაცემთა სუბიექტის მოთხოვნის მიუხედავად, განაგრძოს, არ წაშალოს/გაანადგუროს მისი პერსონალური
მონაცემი, თუ არსებობს მონაცემთა სუბიექტის პერსონალური მონაცემების დამუშავების კანონიერი საფუძველი.
➢ ნებისმიერ დროს თქვას უარი აუდიომონიტორინგზე, ყოველგვარი განმარტების გარეშე გამოიხმოს მის მიერ გაცემული თანხმობა მისი პერსონალური მონაცემების
დამუშავებაზე/შეგროვებაზე/გადაცემაზე. აღნიშნულ შემთხვევაში, მონაცემთა სუბიექტის მოთხოვნის შესაბამისად მონაცემთა დამუშავება შეწყდება ან/და დამუშავებული მონაცემები წაიშლება/განადგურდება, მონაცემთა სუბიექტის მოთხოვნიდან არაუგვიანეს 10 სამუშაო დღისა თუ არ არსებობს მონაცემთა დამუშავების სხვა, პერსონალურ მონაცემთა დაცვის შესახებ საქართველოს კანონით გათვალისწინებული საფუძველი.
➢ პერსონალურ მონაცემთა დაცვის შესახებ საქართველოს კანონით განსაზღვრული სხვა უფლებები.

5. მონაცემთა დამუშავების მეთოდი
სუბიექტის მიერ განხორციელებული სატელეფონო კომუნიკაციით, მომხმარებლის ნებით, შესაძლოა მოხდეს კონკრეტული მომხმარებლის იდენტიფიკაცია (მაგალითად, თუ სატელეფონო საუბრისას საჭირო გახდა მომხმარებლის სახელის, გვარის და სხვა პირადი მონაცემების შესახებ ინფორმაციის დაზუსტება, რომელსაც თავად მომხმარებელი მიაწვდის კომპანიას).
საიდენტიფიკაციო აქტივობაში ჩართვა სავალდებულო არ არის. აუდიომონიტორინგი ხორციელდება საქართველოს კანონმდებლობით განსაზღვრული წესით. აუდიომონიტორინგზე პასუხისმგებელ პირს წარმოადგენს კომპანიის IT დეპარტამენტი (ელექტრონული ფოსტის მისამართი: lasha@maxtherm.ge ; ტელ.: +995 032- 25-72-27 (121) ).

იმ შემთხვევაში თუ მომხმარებელი გამოხატავს თანხმობას სატელეფონო კომუნიკაციის ჩაწერაზე, კომპანია უფლებამოსილი იქნება აუდიო ჩანაწერებთან და აუდიომონიტორინგის შედეგად მიღებულ მომხმარებლის პერსონალურ მონაცემებთან მიმართებით განახორციელოს ნებისმიერი ქმედება, ზემოთ მოცემული მიზნებისთვის, მათ შორის, შეგროვება, სისტემატიზაცია, შენახვა, შესწორება
(განახლება, მოდიფიკაცია), გამოყენება, დეპერსონალიზაცია, დაბლოკვა, წაშლა/განადგურება, ასევე პერსონალურ მონაცემებზე ნებისმიერი სხვა ქმედების განხორციელება საქართველოს მოქმედი კანონმდებლობის მოთხოვნების გათვალისწინებით.
კომპანია არ ახორციელებს პერსონალური მონაცემების გადაცემას მესამე პირებისთვის (მათ შორის, ტრანსსასაზღვრო გადაცემას), გარდა კომპანიის შესაბამისი თანამშრომლებისა. შესაბამისად, მონაცემთა სუბიექტის პერსონალურ მონაცემებს იღებს მხოლოდ კომპანია.
აუდიომონიტორინგის განხორციელების მიზნით მომხმარებელთა თანხმობის მისაღებად კომპანია იყენებს ავტომატურ მოპასუხეს, რომელიც განუმარტავს მომხმარებელს, რომ ხდება სატელეფონო კომუნიკაციის ჩაწერა. მომხმარებელმა თანხმობა უნდა გამოხატოს აქტიური მოქმედებით, კერძოდ, მის მფლობელობაში არსებულ ტელეფონზე უნდა მიუთითოს ღილაკ 1-ზე, აღნიშნულ შემთხვევაში
სატელეფონო კომუნიკაცია გაგრძელდება და მოხდება აუდიო ჩაწერა. წინააღმდეგ შემთხვევაში, მომხმარებელმა უნდა მიუთითოს ღილაკ 2-ზე, რის შედეგადაც სატელეფონო კომუნიკაცია შეწყდება.

ამასთან, ავტომოპასუხის საშუალებით მომხმარებელს ეცნობება, რომ კომპანიის
აუდიომონიტორინგის პოლიტიკას შესაძლოა გაეცნოს კომპანიის ვებსაიტის საშუალებით. კომპანია აუდიო ჩანაწერებს ინახავს აღნიშნულისთვის განკუთვნილ სერვერზე რომელსაც გააჩნია შესაბამისი user name და პაროლი. სერვერის user name-სა და პაროლთან დაკავშირებული ინფორმაცია, ამასთან, თავად სერვერზე წვდომა აქვს მხოლოდ კომპანიის IT დეპარტამენტის წარმომადგენელს.

6. აუდიო ჩანაწერების შენახვის ვადა
კომპანია სატელეფონო კომუნიკაციისას განხორციელებულ აუდიოჩანაწერებს ინახავს არაუმეტეს 2 წლის ვადით. ამასთან, გაცნობებთ, რომ სისტემა, შემთხვევითი შერჩევის პრინციპით, პერიოდულად, თავად შლის აუდიო ჩანაწერებს, თუ სერვერის ტევადობა შევსებულია. სატელეფონო კომუნიკაციისას მიღებულ სხვა ინფორმაციას (მაგალითად, სახელი, გვარი, პირადი ნომერი, მისამართი) კომპანია შეინახავს მომხმარებლისთვის მომსახურების სრულად და ამომწურავად გაწევისთვის საჭირო ვადის ამოწურვამდე (მაგალითად, თუ მომხმარებელზე გაცემულია საგარანტიო ფურცელი, აღნიშნული საგარანტიო ფურცლის ვადის ამოწურვამდე).

7. ცვლილებები წინამდებარე პოლიტიკაში
კომპანია იტოვებს უფლებას, ნებისმიერ დროს შეცვალოს წინამდებარე აუდიომონიტორინგის პოლიტიკა. წინამდებარე პოლიტიკაში განხორციელებული ნებისმიერი ცვლილება დაუყოვნებლივ გამოქვეყნდება კომპანიის ვებსაიტზე და სხვა ისეთ ადგილებში, რომლებიც, უზრუნველყოფს მონაცემთა სუბიექტის საქმის კურსში ყოფნას ცვლილებებთან დაკავშირებით. ამასთან, პოლიტიკაში შეტანილი ნებისმიერი მნიშვნელოვანი ცვლილების შესახებ მონაცემთა სუბიექტს ეცნობება ვებსაიტის მთავარ გვერდზე შესაბამისი შეტყობინების გამოქვეყნების გზით.

წინამდებარე პოლიტიკის გაცნობის ან სატელეფონო კომუნიკაციისას მომხმარებლის მიერ აქტიური ქმედებით გამოხატული თანხმობის შემთხვევაში, მონაცემთა სუბიექტი ასევე აცხადებს, რომ ანიჭებს კომპანიას უფლებამოსილებას განახორციელოს აუდიო ჩაწერა და დაამუშაოს მისი პერსონალური
მონაცემები, შეინახოს/გამოიყენოს ჩანაწერები, საქართველოს კანონმდებლობისა და წინამდებარე პოლიტიკით გათვალისწინებული მიზნების ფარგლებში.